Австралискиот тенисер Марк Полманс беше на чекор од голем успех на Мастер 1000 турнирот во Шангај и само еден поен го делеше од пласман на главниот турнир. Тој во финалето од квалификациите играше против Стефан Наполитано, имаше водство од 1-0 по сетови и 6-5 во тај-брејкот во вториот сет при негов сервис.
Сепак, откако едно топче заврши во мрежата, тој силно го удри и тоа заврши во главата на главниот судија. Сосема очекувано следуваше дисквалификација.
