Македонскиот репрезентативец Илија Несторовски во својот трет пријателски натпревар ги постигна дебитантските погодоци за новиот клуб Удинезе. Ексчленот на Палермо со два гола учествуваше во голеадата од 9-2 против италијанскиот нисколигаш Сан Луиџи.
Удинезе даде шест гола во првите 45 минути, а Несторовски се запиша во листата на стрелците во 30-тата и 34-тата минута. Два гола постигна и Мандрагора, додека Теодорсчик оствари хет-трик, на крајот конечните 9-2 ги поставија Овизач и Барак.
Претходно, во контролките против Бешикташ и Б. Дортмунд, Несторовски доби мала минутажа, а денес стартуваше во првите 11 и довербата ја оправда со двата гола, исто како во дуелот против локалниот клуб Кјарлинс Муцане пред неколку дена. Од него се очекува да биде главен напаѓач на Зебрите.
Несторовски ќе дебитира за Удинезе во Серија А против Милан во првото коло, меч кој е закажан на 25 август.
