Вардар ќе го игра последниот меч во фазата по групи, денеска против Монпелје од 17.30 часот, а раководството на европскиот првак соопшти дека очекува и публика и поддршка од своите симпатизери во обидот да се забележи победа.
Црвено-црните наспроти препораките на Владата на Република Македонија, одлучија да ги отворат портите на салата „Јане Сандански“ во Аеродром, па ќе имаат и осми ракометар од трибините.
Со евентуална победа на европскиот првак и пораз на Порто во Брест од Мешков, би довел до интересна ситуација и голем пресврт во целата ситуација.
Варијанти има многу, а победата на Вардар може да му ги донесе во осминафиналето за ривали и Алборг и Фленсбург и Пик Сегед.
Македонскиот претставник го победи францускиот тим на гости во првиот меч од сезоната со 33:31, но сега ситуацијата во Вардар е ,многу посложена, поради беспарицата и заминувањето на неколку ракометари.
