Некогашниот капитен на младата македонска репрезентација, Иван Николов, постигна гол во победата на неговиот Радник против Лакташи со 4:0, во четвртфиналето од Купот на Босна и Херцеговина.
Играчот за врска кој има и еден меч за сениорскиот состав на Македонија, погоди откако тргна во напад и со шут од 20-тина метри го изненади противничкиот голман погодувајќи за 3:0 во тој момент. Со оваа победа, тимот на Николов си обезбеди место во полуфиналето каде ќе се сретне со Зрински.
Македонскиот 24-годишен интернационалец во зимскиот преоден рок пристигна во тимот на Зрински и се покажа како одлично засилување бидејќи зад неговото име веќе има четири погодоци и три асистенции.
