Баерн Минхен со убедливи 1-5 славеше на гостувањето кај дебитантот во Лигата на шампионите, кипарскиот Пафос. Баварците го решија победникот само по 35 минути игра бидејќи веќе имаа водство од 0-4, но Мислав Оршиќ во 45-тата минута со вистински еврогол успеа да го совлада Мануел Нојер.
Токму примениот гол беше едно од прашањата кои му беа поставени на германскиот голман по натпреварот, но се чини дека тоа не му се допадна на Нојер.
„Дали тоа беше шут кој не се бранеше?“, беше прашањето на новинарот, на што Нојер кратко одговори: „Да“.
Но, новинарот не беше задоволен од одговорот, па следуваше ново: „Дали можеби доцна реагиравте?“
„Не. Дали вие некогаш сте биле голман?“, следуваше контрапрашање од голманот упатено кон новинарот.
„Да бидам искрен, не сум бил голман“, рече новинарот.
„Штета. Топката одеше право во мене, а потоа го промени правецот. Да игравте фудбал ќе знаевте што значи тоа и колку е тешко за голманот да реагира во таква ситуација. Ете, тоа е мојот одговор“, рече Нојер.
Manuel Neuer on Mislav Oršić’s goal
Reporter: ‘Was it unstoppable?’
Neuer: “Yes”
Reporter: ‘Did you react relatively late?’
Neuer: “No. Were you a goalkeeper?’
Reporter: ‘To be honest, no’
Neuer: ‘That’s a pity. The ball went straight at first and then took a different… pic.twitter.com/AETq6l9HCe
— Bayern & Germany (@iMiaSanMia) September 30, 2025
