Договорот помеѓу Мануел Нојер и Баерн Минхен завршува на крајот од оваа сезона, а легендарниот голман треба да одлучи дали ќе ја продолжи соработката или ќе оди во фудбалска пензија, иако сигурно нема да недостасуваат понуди на негова адреса.
„Клучниот фактор ќе биде како се чувствувам. Ќе видиме во втората половина од сезоната. Ќе размислам повеќе околу март, за време на меѓународната пауза.“ – вели Нојер.
Откако ја спомена репрезентативната пауза во март, следуваше и прашање дали планира да се врати во репрезентацијата.
„Не. Факт е дека намерно се пензионирав. Мојата концентрација е јасно насочена кон клубот.“ – додава голманот.
Нојер пристигна во Баерн Минхен во 2011 година од Шалке за 30 милиони евра, а на голот на „баварците“ беше на 578 натпреври.
