Леброн Џејмс стана само четвртиот кошаркар во историјата на НБА лигата кој успеал да ја надмине бројката од 33.000 поени во кариерата. Во победата против Њу Орлеанс од 114:110, Џејмс даде 29 поени и тоа му беше доволно да стигне до 33.004 поени откако е влезен во најсилната кошаркарска лига во светот.
Пред Џејмс остануваат само тројца со повеќе постигнати поени. Ненадминливиот Карим-Абдул Џабар има 38.387 поени, втор е Карл Мелоун со 36.928 поени, а пред Џејмс е само уште и Коби Брајант со 33.643 поени. Доколку продолжи во ист ритам, Леброн може да го надмине рекордот на Коби уште во текот на оваа сезона.
Congrats to @KingJames of the @Lakers for becoming the 4th player in @NBAHistory to surpass 33,000 career points! #LakeShow pic.twitter.com/Ad7cAymltM
— NBA (@NBA) November 28, 2019
За Лејкерс ова беше осма победа во низа и тимот продолжува да биде најдобар во лигата со скор од 16 победи и само два порази. Освен Леброн, своја ноќ за памтење имаше и Ентони Дејвис, кој даде 41 поени на својот поранешен клуб.
Во останатите мечеви кои се одиграа ноќеска, постигнати се следните резултати: Бостон – Бруклин 121:110, Шарлот – Детроит 102:101, Кливленд – Орландо 104:116, Индијана – Јута 121:102, Филаделфија – Сакраменто 97:91, Торонто – Њујорк 126:98, Хјустон – Мајами 117:108, Мемфис – ЛА Клиперс 119:121, Милвоки – Атланта 111:102, Сан Антонио – Минесота 101:113, Феникс – Вашингтон 132:140, Портланд – Оклахома 136:119, Голден Стејт – Чикаго 104:90.
