Астон вила на шестти ноември ќе го пречека Макаби Тел-Авив во меч од лигашкиот дел на Лигата на Европа, но на големо изненадување на сите, Англичаните нема да дозволат гостински навивачи на „Вила парк“.
Во натпреварувањата на УЕФА пракса е гостинската екипа задолжително да добие билети за своите навивачи, но тоа нема да биде случај на мечот помеѓу Астон вила и Макаби.
Астон вила информираше дека добиле забрана од британските власти за присуство на израелските навивачи, а УЕФА веќе ја одобрила оваа забрана. Она што е интересно, никаде во одлуката не се споменуваат политички причини или војната, туку само безбедносни причини и препораките кои ги издала британската полиција.
