Реал Мадрид после серијата од три ремија по ред против екипи од долниот дел на табелата во Ла Лига, остана без првото место, а по синоќешниот меч во Жирона, телевизијата на Реал Мадрид ја нападна судиската организација, тврдејќи дека судиите им скратиле четири бода.
„Имаме четири бодови помалку поради синовите на Негреира“, порачаа мадриѓаните преку нивната телевизија.
За потсетување, во март 2023 година, обвинителството поднесе обвиненија за корупција против ФК Барселона и нејзините поранешни претседатели Жозеп Марија Бартомеу и Сандро Росел. Тие се обвинети дека платиле вкупно 8,4 милиони евра на Хозе Марија Енрикез Негреира, поранешниот потпретседател на шпанската судиска комисија, и неговата компанија помеѓу 2001 и 2018 година. За возврат, Негреира требало да делегира судии кои одговараат на Барселона и гарантирал дека ќе судат во нејзина корист. Барселона ги призна исплатите кон компанијата како надворешен технички консултант.
Според Реал Мадрид, намерните судиски грешки ѝ помагаат на Барселона да се врати на првото место. По натпреварот во Жирона, телевизијата на Реал Мадрид сериозно ја доведе во прашање работата на судијата Де Бургос Бенгоечеа и ВАР, тврдејќи дека неколку клучни ситуации не биле разгледани и дека овие одлуки директно влијаеле на резултатот.
Во Реал сметаат дека пеналот над Винисиус кој беше му досуден бил сосема чист пенал и за тоа нема сомнение. Но, според нив требало ВАР судијата Пулидо Сантана да го повика Де Бургос да го види фаулот над Родриго во 16-никот на Жирона. Имаше контакт, но веројатно беше проценето дека „нема доволен интензитет“.
Penalti claro no pitado a Rodrygo.
“No hay contacto suficiente” pero cuando tocan a Lamine Yamal sí.
2 puntos más robados, como en Vallecas y 3 en el Metropolitano.
7 en total y el Barça líder de 5 que tenían de ventaja. @CTARFEF 💰#GironaRealMadrid— Joker Laporta 🃏 (@JokerLaporta) November 30, 2025
Истотака спорен момент беше и кога Мбапе беше турнат на аголот од 16-никот, но и тогаш судијата на терен воопшто не беше повикан да го гледа видеото.
De un penalti no pitado a Mbappé en el 44′, al 1-0 del Girona en el 45′
RealMadridTV: “No sabemos qué imagen ha visto Pulido Santana en el VAR”.
2 penaltis no pitados y otros 2 puntos robados. MAFIA @Tebasjavier @CTARFEF @rfef 🤢🤮💰#GironaRealMadridpic.twitter.com/rMGXzi3zBO
— Joker Laporta 🃏 (@JokerLaporta) November 30, 2025
„Ла Лига е корумпирана. Имаме четири бода помалку како резултат на синовите на Негреира и како резултат на грешките или неправилностите што се случуваат. Без разлика дали Реал Мадрид не игра добро, реалноста е дека судиите го сопнуваат Реал Мадрид, оние што треба да ги донесат одлуките се отсутни, а нивниот претседател ги оправдува. Доволно е само да се погледне организациската шема на Федерацијата и кој управува со ВАР“, порачаа од Реал Мадрид ТВ.
