Сер Џим Ретклиф пред крајот на минатата година го купи управувачкиот пакет акции на Манчестер јунајтед и колку-толку ја спаси сезоната со освојувањето на ФА купот и тоа против градскиот ривал Манчестер сити.
Сепак, и покрај освојувањето на трофејот, сè погласни се шпекулациите дека Ерик тен Хаг нема да ги предводи Црвените ѓаволи следната сезона, а раководството на клубот веќе е во потрага по нов тренер.
Во пресрет на новата сезона, Ретклиф воведе пет правила кои треба да се почитуваат во иднина.
– Новите фудбалери не смее да бидат постари од 25 години.
– Нема да има „галактикоси“, односно скапи ѕвезди.
– Стилот на игра ќе го одреди техничкиот директор Џејсон Вилкокс.
– Тренерот ќе се прашува на која позиција му е потребен фудбалер, а не кој фудбалер да биде купен.
– Тренерот ќе добие список од тројца фудбалери на таа позиција, а потоа ќе го одбере оној којшто го сака во екипата.
