Македонскиот ракометен првак Еурофарм Пелистер на најдобар начин ја започна новата сезона во Лигата на шампионите. Битолчани на свој терен го победија Загреб со 25:23. Ова е прв триумф на Пелистер во седмото соочување со хрватскиот гигант.
По мечот, новиот тренер на Пелистер, Рубен Аренас Гарабаја, посебно ја истакна одличната атмосфера која ја создадоа навивачите на зелено-белите.
„Многу луѓе ми зборуваа за атмосферата тука, ама додека не ја почувствуваш лично – не знаеш каква е магијата во оваа сала. Многу е лесно да се игра тука со ваква поддршка. Не требаше да бидеме во таква позиција на крајот од средбата. Многу е важно да победуваме во натпреварите кои се клучни за нас во групата. Знаеме дека ова не е нашето најдобро ниво, можеме многу да напредуваме и фокусирани сме на тоа. Мораме да размислуваме од натпревар во натпревар, следен е ПСЖ, но секогаш мора да уживаме и во победата. Вечерва уживаме, ама веќе од утре се фокусираме на дуелот во Париз. Имаме натпревар од домашното првенство, а и таму секој е важен и мора да ја исполниме задачата“, рече Гарабаја по вчерашниот триумф.
Дури и на ЕХФ профилот на социјалните мрежи беше истакната одличната атмосфера која се создава во салата во Битола.
This is a huge victory for RK Eurofarm Pelister 👏 what an #ehfcl #clm atmosphere in Bitola 🤩#handball
🇲🇰HC Eurofarm Pelister 25 – 23 HC Zagreb 🇭🇷#ehfcl #clm #handball pic.twitter.com/581xIa7cWs
— EHF Champions League (@ehfcl) September 10, 2025
