Огромни проблеми има Дидие Дешан пред финалето со Аргентина во недела од 16 часот на Мундијалот во Катар, а новиот вид вирус „камила“ принудно ги испрати во изолација Адриен Рабио, Кингсли Коман и Дајот Упамекано.
Од страв да не се прошири и на останатите репрезентативци, овој трилинг на Триколорите како што заболуваа, еден по еден веднаш беа испратени во изолација и не се знае дали ќе можат да играат против Аргентина сите или некој од нив.
Рабио и Упамекано воопшто и не играа во полуфиналето против Мароко, а сега им се приклучи и Коман, кој не влезе во игра во полуфиналето, а беше резерва.
Франција имаше многу проблеми и пред стартот на Мундијалот, а остана без големите ѕвезди Бензема, Погба, Канте…
