Македонскиот борач Могамедгаџи Нуров триумфира на Медитеранските игри во Оран, Алжир, и ни донесе златен медал, што предизвика голема радост кај љубителите на спортот и особено кај македонската делегација, која гo бодреше од трибините.
Нуров во финалето го победи најдобриот турски борач Фејзула Актурк со 4-3 и го одбрани златниот медал од Медитеранските игри 2018 во Тарагона.
Во Оран се и дел од челниците на Македонскиот oлимписки комитет. Од МОК веруваат дека нивниот стипендист Нуров, кој освои бронзен медал на Светското првенство во 2019 година, во моментов е еден од тројцата најдобри борачи во светот во својата категорија и со сигурност ќе атакува на медал на Олимписките игри во Париз 2024 година.
