Очајни се и немаат друго чаре – Навивачи на Челзи со петиција против судијата Тејлор, за еден час собраа 10 илјади потписи

Навивачите на Челзи се бесни и повлекоа очајнички потег со кој бараат судијата Ентони Тејлор никогаш повеќе да не му суди на нивниот омилен тим.

Веднаш по лондонското дерби против Тотенхем, што заврши 2:2, тие организираа онлајн-петиција и само за еден час собраа 10.000 потписи со барање Тејлор да не биде делегиран на мечевите што во иднина ќе ги игра Челзи.

A new online petition by Chelsea fans calling for Anthony Taylor to be banned from refereeing their matches was set up an hour ago. It almost has 10,000 signatures already.

— James Olley (@JamesOlley) August 14, 2022

Дербито беше исклучително возбудливо, имаше по два гола во двете мрежи, двајцата тренери Томас Тухел и Антонио Конте двапати беа на прагот на тепачка, па беа исклучени, а навивачите на домашниот тим објавија фотографии и видеа како аргументи дека Челзи е драстично оштетен при двата гола на Тотенхем.

Најпрво при голот на Емил Хојбјерг во 68-мата минута за 1:1, според нив Кај Хаверц бил фаулиран од Бентанкур.

При прославата на голот, Конте дојде блиску до Тухел и тогаш се случи првиот конфликт меѓу двајцата менаџери.

https://twitter.com/NoaTHkk/status/1558889402377687041?s=20&t=D9tCG16JhytEdFhaaROzbg

Потоа според симпатизерите на Челзи, и голот на Хари Кејн во 96-тата минута за конечни 2:2 не бил регуларен бидејќи претходно имало фаул од Ромеро над Кукурелја.

Покажаа и фотографија на која се гледа како играчот на Тотенхем непосредно пред голот го влече за коса бекот на Челзи.

Cucurella dragged to the ground by his hair… after a VAR check, no foul. pic.twitter.com/yDZvlL72LO

— LDN (@LDNFootbalI) August 14, 2022