По заминувањето на Серхио Бускетс, Интер Мајами бара идеална замена за поранешниот играч на Барселона и имаат мерак кон Бразилецот Касемиро кој сака да го напушти Манчестер јунајтед.
Нема да биде лесно да го донесат некогашниот играч на Реал Мадрид, но Интер го има бразилскиот играч од средниот ред на својот список на желби. Касемиро ја има најефикасната сезона во кариера, а целта му е да најде победнички проект и да се чувствува удобно и среќно.
Касемиро објави дека неговата иднина не е на „Олд Трафорд“ по 30-ти јуни. Ако оди во Мајами, би станал соиграч со Лионел Меси со кого отсекогаш беа ривали во текот на нивните долги кариери, и на клупско и на репрезентативно ниво.
