Реал Мадрид ќе се обиде да се ослободи од Иско Аларкон во летниот преоден рок. Кралевите имаат 35 играчи регистрирани во првиот тим и јасно е дека ќе има неколку заминувања, а еден од играчите кои треба да биде продаден е токму шпанскиот репрезентативец.
Иако Иско е врвен фудбалер, Зидан не може да му гарантира место во стартните 11, па затоа клубот го советува да бара нова средина. Доколку остане, Иско и натаму би се користел како резерва, како што беше во изминатата сезона, но и претходно. Во сезоната 2019/20 Иско само двапати ги одигра сите 90 минути, вкупно одигра 30 натпревари во кои 18 пати беше користен како замена.
Цената на 28-годишниот офанзивен играч за врска е измеѓу 40 и 50 милиони евра, прашање е дали Реал ќе најде купец.