Викендов нема да се играат фудбалски натпревари кај нас, бидејќи ФФМ ја прифати препораката на МВР и ги одложи мечевите од сите лиги, поради одржувањето на првиот круг од локалните избори.
Доцна вечерва се познати и новите термини за одложените натпревари, а секако дека најголемо внимание привлекува дерби дуелот помеѓу Шкендија и Вардар, кој треба да се игра на „Градскиот стадион“ во Тетово.
Мечот на двете „црвено-црни“ екипи ќе се одигра на 27-ми октомври (понеделник) со почеток во 13:30 часот.
Десеттото прволигашко коло ќе го отворат натпреварите Башкими – Шкупи и Тиквеш – Арсими, кои се програмата на 24-ти октомври (петок), следниот ден, во сабота, играат Работнички – Македонија ЃП и Струга – Брера. Во недела, на 26-ти октомври, ќе се игра само еден меч, оној помеѓу Силекс и Пелистер, а колото ќе го затворат токму Шкендија и Вардар.
Сите натпревари се играат со почеток во 13:30 часот.
