Авантурата на Нејмар во Ал-Хилал и официјално заврши откако од клубот потврдија дека договорот е спогодбено раскинат на шест месеци пред неговото истекување. Нејмар во Саудиска Арабија заработуваше по 100 милиони евра годишно, но официјално не е познато дали договорот му е целосно исплатен. Според информации на шпанската „Марка“, раскинот на договорот ќе го чини Ал-Хилал дополнителни 62 милиони евра.
Бразилецот во дресот на Ал-Хилал оваа сезона забележа само два настапа во азиската Лига на шампиони, а на тревникот мина само 42 минути. Минатата сезона имаше пет настапи, на кои постигна само еден гол. Проблемите за Нејмар дојдоа со повредата, која ја доби на настапот за репрезентацијата, кога ги скина лигаментите, а оттогаш повеќе време мина на рехабилитација отколку на зелениот терен.
Al Hilal and Neymar Jr. have agreed to terminate the player’s contract by mutual consent.
Thank you and good luck,Neymar 💙 pic.twitter.com/9edCVWBGop
— AlHilal Saudi Club (@Alhilal_EN) January 27, 2025
Следна дестинација на Нејмар најверојатно ќе биде враќање дома, односно во бразилскиот Сантос, иако постоеја шпекулации дека тој ѝ се понудил на Барселона, но бил одбиен.
