Македонскиот фудбалски прволигаш Шкупи објави дека засега непознати лица ги украле телевизорот и ТВ-проекторот на кои тимот прави видеоанализи и бара вандалите да бидат пронајдени и да ја добијат заслужената казна.
„Вчеравечер на стадионот ‘Чаир’, во просторијата каде што фудбалерите на ФК Шкупи одмораат пред и по тренинг, била скршена вратата и украден телевизорот и проекторот. Прашуваме кои духовни луѓе го направиле овој вандалски чин? Не успеваме да разбереме како луѓето можат да бидат толку злобни, нечесни и бесрамни. Оние кои го направиле ова дело се срам на Чаир и се нечесни. Казната за нив ја оставаме прво на Бога, па на полицијата, а потоа и на жителите на Чаир. Уште еднаш се надеваме дека овие луѓе ќе бидат најдени и жителите на Чаир ќе плукаат во лицата на овие бесрамни луѓе. Бог нека ги проколне. Сигурни сме дека државата и полицијата ќе го направат она што треба да се направи и ќе ги најдат овие луѓе“, порачаа од Шкупи.
Претходно во Чаир беше демолирана новата ложа на трибината со направена голема штета.
