Женската репрезентација на Свети Кристофер и Невис сонува историски подвиг и учество на Светско првенство, а имаат шанси да ја минат првата фаза од квалификациите за Мундијалот што идната година ќе го организираат Австралија и Нов Зеланд.
Во многу важен меч фудбалерките од земјата што има само 53 илјади жители ја победија водечката Гватемала на гости со 1:2 со многу интересен победнички гол на Јахзара Клакстон.
Репрезентативката на Свети Кристофер и Невис погоди со грб во 71. минута и донесе голема радост за малата карипска земја и репрезентација.
Con al espalda anota Claxton el gol de la ventaja de las caribeñas @fedefut_oficial 1-2 San Cristóbal y Nieves pic.twitter.com/1E7lejUOLZ
— Videoteca_gt (@Videoteca_gt) April 8, 2022
Селекцијата на Свети Кристофер и Невис има 6 бода во Б групата од квалификациите во првата фаза за настап на Мундијалот.
Со ист број на бодови се и лидерот Гватемала и Костарика, а во групата се и Курасао со 3 бода и Девствените острови без бодови.
