Мислав Оршиќ успешно ги минал медицинските прегледи во Саутемптон и сега се чека само формалниот дел, потпис на договорот на хрватскиот репрезентативец со популарните англиски Светци.
Договорено е трансферот на 30-годишниот напаѓач на Динамо Загреб да чини 6 милиони фунти, а Оршиќ ќе има годишна плата меѓу 2,5 и 3 милиони фунти.
Интересно е што за неговиот трансфер фенерџијата во Премиер лигата ќе прекрши едно за нив многу важно клупско правило, да не купуваат играчи постари од 25 години.
Southampton are set to sign Mislav Orsić from Dinamo Zagreb, deal fully agreed for £6m — first part of medical completed. ⚪️🔴🇭🇷 #SaintsFC
Documents being prepared in order to focus on more signings soon. pic.twitter.com/1NtzXfthIN
— Fabrizio Romano (@FabrizioRomano) January 5, 2023
Во последните 3 години Саутемптон купи само еден фудбалер повозрасен од 25 години и клупската политика им е да купуваат само млади играчи и таленти.
Оршиќ подолг период е еден од најдобрите играчи во хрватската лига како фудбалер на Динамо Загреб и е редовен хрватски репрезентативец, а беше член на генерацијата што пред околу три седмици со Коцкестите го освои бронзениот медал на Мундијалот во Катар.