Напаѓачот на Галатасарај, Виктор Осимен, не го крие своето восхитување кон противникот Јувентус пред реванш-натпреварот од Лигата на шампионите меѓу двата тима.
Бјанконерите ќе треба да направат мало чудо за да се квалификуваат во осминафиналето откако го загубија првиот натпревар во Истанбул со 2-5.
„Јувентус е многу голем клуб, исполнет со богата историја и многу легенди играле за него. Навистина сакав да му се приклучам на Јувентус пред да се појави опцијата за Галатасарај. Сепак, имаше некои пречки и, за жал, трансферот не се реализира. Среќен сум во клубот во кој сум сега. Не знам што ми носи иднината, но 90% од играчите во светот би сакале да играат за Јувентус“, рече Нигериецот.
