Македонскиот фудбалски интернационалец Матеј Цветаноски се здоби со тешка повреда на ногата на четвртфиналниот натпревар од Купот на БиХ меѓу Железничар и Слога. Мечот беше прекинат во 37-мата минута поради сериозната повреда на играчот на Железничар.
По стартот на Мандиќ, Цветаноски остана да лежи на теренот и интервенираше брзата помош, јавуваат босанските медиуми.
Според прикажаните кадри во директниот ТВ-пренос, станува збор за скршеница на ногата, што предизвика силни крици и голема загриженост меѓу навивачите на „Грбавица“.
Се очекуваат повеќе детали за сериозноста на повредата и за потенцијалниот период на закрепнување на македонскиот фудбалер.
Фото: www.sportsport.ba
