Виктор Осимен слета во Истанбул, каде што беше пречекан од илјадници навивачи на Галатасарај и веќе го даде своето прво интервју пред финализирањето на неговиот постојан трансфер од Наполи. Тој отпатува за Турција за да ги заврши последните формалности околу преминот во Галатасарај.
Нигерискиот репрезентативец, кој ја мина сезоната 2024/25 како позајмен играч во Галатасарај, сега се враќа на постојана основа за 75 милиони евра.
Наполи ќе добие 40 милиони евра однапред, а преостанатите 35 милиони евра до крајот на 2026 година.
Дваесет и шестгодишниот напаѓач ќе мине медицински прегледи и ќе го потпише договорот во текот на денешниот ден.
🚨🇳🇬 Victor Osimhen (26) arrives in Istanbul to permanently sign for Galatasaray! 🟡🔴 pic.twitter.com/jOK5GC8t8M
— EuroFoot (@eurofootcom) July 30, 2025
Вчеравечер илјадници навивачи го пречекаа Осимен назад во Истанбул. Многу фанови исто така го следеа неговиот лет до Истанбул во живо на јутјуб-каналот на Галатасарај.
„Не знам со какви зборови да го опишам ова чувство. Прекрасно е што се враќам. Погледнете ја толпата, погледнете ги луѓето што го следеа мојот лет. Дома сум, ова е местото каде што сакам да бидам. Среќен сум што сум тука, што се враќам таму каде што се чувствувам како дома – и јас, и моето семејство и моите пријатели. Сакам да му се заблагодарам на претседателот на Галатасарај, на потпретседателот, на Џорџ Гарди, на Окан Бурук, на сите кои се погрижија да се вратам дома. Сакам да им упатам огромна благодарност и на навивачите, кои се бореа, кои ме сакаа во клубот исто како што и јас ги сакам нив. Среќен сум што сум тука. Историјата продолжува и среќен сум што ја продолжувам со Галатасарај“, изјави Осимен.
