Францускиот фудбалер Осман Дембеле е апсолутен фаворит за освојување на „Златната топка“ за сезона 2024/25, која ќе биде доделена на 22 септември во Париз од магазинот „Франс Фудбал“.
Иако многумина го отпишаа поради честите повреди и проблеми додека играше за Барселона, Дембеле доживеа фудбалско „воскресение“ во редовите на Пари Сен Жермен, каде што блескаше цела сезона.
Изминатата година, 28-годишниот офанзивец освои Лига на шампиони, првенството и Купот на Франција, а ПСЖ сè уште е во трка за титулата светски клупски шампион. Според последните проценки, тој има 77.5% шанси да ја добие „Златната топка“.
Current Ballon d'Or odds after last night! ✨
— The Touchline | Football Coverage (@TouchlineX) July 6, 2025
1. Dembélé (77.5%)
2. Lamine Yamal (25%)
3. Vitinha (11.1%)
4. Mbappé (5.9%)
5. Salah (4.8%)
6. Kvaratskhelia (2.9%)
7. Raphinha (2.9%)
8. Donarumma (2.0%)
9. Doué (1.5%)
10. Pedri (1.5%)
11. Cristiano Ronaldo (1.2%)
— @oddschecker pic.twitter.com/JitkuILFfR
На втората позиција се наоѓа младата ѕвезда на Барселона, Ламин Јамал, со 25%, додека трет е уште еден играч на ПСЖ, Витиња со 11.1%.
Во сезоната 2024/25, Дембеле одигра 51 натпревар, постигна 34 голови и запиша 15 асистенции. Откако пристигна во ПСЖ од Барселона во 2023 година, има вкупно 93 настапи, 40 голови и 29 асистенции.
Златната топка би била вистинска круна на неговата кариера, особено по сите тешки моменти и падови во Барселона. Преминот во ПСЖ се покажа како вистински потег, а напорната работа сега му се исплатува, и Дембеле е на чекор од тоа да биде прогласен за најдобар фудбалер на светот.
