Златан Ибрахимовиќ е еден од најдобрите напаѓачи во последниве 20 години во светскиот фудбал. Човекот кој има освоено титули со речиси сите клубови во кои настапувал, моментно е главна ѕвезда во САД. Популарниот Ибра настапува во Лос Анџелес Галакси, каде што сезонава даде повеќе од 20 погодоци, иако веќе е во редот на ветераните.
Низ текот на кариерата, со Златан се поврзани голем број на анегдоти, а некогашниот играч на Јувентус, Федерико Балзарети, реши да ја открие најлудата, а таа е од периодот во којшто играше за Јувентус.
„Цела екипа бевме на ручек и во еден момент Златан стана и рече дека ќе оди да потпише за Милан. Кога се вративме, го прашавме како поминал, а тој ни одговори: ’Добро беше, потпишав за Интер.’ Тоа никогаш нема да го заборавам“, откри Балзарети.
По заминувањето од Јувентус во Интер, Ибрахимовиќ промени уште неколку врвни клубови. Потоа играше и за Барселона, па конечно потпиша и за Милан, а по заминувањето од Росонерите, го носеше дресот и на Пари Сен Жермен и Манчестер јунајтед.
#Balzaretti "Voici une anecdote sur #Ibrahimović : nous déjeunions avec l'équipe (la Juventus) & il nous a lancé "Après manger je vais à Milan pour signer au Milan". Quand il est revenu nous lui avons demandé comment ça c'était passé, il répondit "ça va, j'ai signé à l'Inter" " pic.twitter.com/eOwRlW781E
— FrSerieA (@FrSerieA) October 4, 2019
