Рускиот хокеар Александар Овечкин со двата гола кои ги постигна во победата на Вашингтон капиталс над Чикаго од 5-3, дојде до бројка од 894 погодоци во НХЛ лигата со што го израмни рекордот на славниот Вејн Грецки.
Овечкин до оваа бројка дојде со еден одигран меч помалку од канадската легенда. Грецки после мечот влезе во соблекувалната на Капиталс и лично му честиташе на Овечкин.
„Среќен сум за Алекс. Дедо ми беше Русин, тој би бил многу среќен што мојот рекорд ќе го собори Русин“, изјави Грецки.
Капитенот на Вашингтон капиталс изјави дека не сака да постави нов рекорд со постигнат гол во празна мрежа. Тој имаше шанса да го направи тоа уште синоќа, но планот му е поинаков. Следниот меч на Вашингтон и Овечкин е утревечер на гости против Њујорк ајлендерс, а после тоа на 11-ти април играат дома со Каролина.
„Реков дека не сакам да го постигнам 895-тиот гол во празна мрежа“, откри Овечкин на прес-конференцијата после мечот.
Ова е голот кој предизвика огромна радост во Вашингтон и цела Русија:
