По поразот во финалето на Отвореното првенство на Австралија, Новак Ѓоковиќ свесно зеде пауза за одмор и го прескокна турнирот во Доха. Тој потег беше неминовен за да може Србинот да се регенерира за тоа што следува, а тоа е напад на рекордот кој моментно го дели со Роџер Федерер. Двајцата имаат по пет титули на Индијан Велс, но Ѓоковиќ е решен оваа година да го остави Федерер зад себе на вечната листа на освојувачи.
Сепак, воопшто нема да му биде лесно на 38-годишниот Новак. Цели 10 години се поминати од последниот негов успех и освоен трофеј на Индијан Велс. И организаторите на турнирот потврдија дека рекордерот по бројот на освоени гранслем-трофеи ќе биде дел од турнирот оваа сезона.
Голема ќе биде конкуренцијата на Ѓоковиќ, но ако може да е нешто плус за Србинот, тоа е што на овој овој турнир се игра во два добиени сета, а не во три, како што е на гранслемовите, па ветеранот ќе има поголеми шанси за победи против фаворизираните Карлос Алкарас и Јаник Синер.
