„Скај“ пренесе дека миланскиот клуб прво ќе плати шест и пол милиони за да го земе на заем Врсаљко во наредната сезона. Дополнителните 17,5 милиони евра ќе ги исплати ако Интер ја искористи опцијата да го откупи 26-годишниот играч следното лето.
Врсаљко, кој беше еден од најзаслужните за пласманот на Хрватите во финалето на Светското првенство во Русија, претходно во Серија А играше за Џенова и Сасуоло.
Хрватскиот фудбалер ќе ја пополни празнината на десниот бек на Интер, која остана испразнета со заминувањето на Жоао Кансело во Јувентус. Врсаљко во Атлетико Мадрид ќе го замени Сантијаго Аријас, кој дојде од ПСВ Ајндховен.
Доколку трансферот се реализира, Врсаљко во Интер ќе им се придружи на двајцата соиграчи од репрезентацијата – Иван Перишиќ и Марцело Брозовиќ.
Интер и Атлетико се договорија околу Врсаљко
„Камп ноу“ ќе го смени името – за Барса 300 милиони евра
Познато е дека „Камп ноу“ наскоро ќе почне да се реновира и дека Барселона на него би требало да заигра во сезоната 2021/22.
Како што пренесуваат медиумите во Шпанија, меѓу кои е и „Марка“, ако челниците на клубот се согласат со идејата за промена на името на стадионот, клубот од Каталонија би можело да инкасира 300 милиони евра.
„Брендот е многу важен во спортот и на крајот на краиштата тоа е нешто што ви дава ресурси да се натпреварувате“, изјави еден од директорите, а пренесува „Марка“.
Во 2015 година беше предложено стадионот да го промени името и тогаш цената беше 200 милиони евра, но откако по три години беше усвоен планот за реновирање на стадионот, кој би требало да се вика „Ноу камп ноу“, клубот ја подигна цената за сто милиони.
Се претпоставува дека американските или азиските компании би можеле да платат олкава цена и за тоа ќе се расправа на почетокот на 2019 година, на големиот генерална седница на клубот.
Официјално: Митровиќ пет години во Фулам
Митровиќ, кој има 23 години, ќе остане во Лондон кај српскиот тренер Славиша Јокановиќ, бидејќи од јануари беше на заем од Њукасл.
Српскиот напаѓач сега и официјално ги напушти „чавките“ и потпиша петгодишен договор со клубот од престолнината на Англија.
Цената на трансферот сè уште не е позната, но медиумите на Островот шпекулираат дека се работи за трансфер вреден околу 25 милиони евра.
Митровиќ во Фулам ќе го носи дресот со број девет и ќе биде главен во нападот, бидејќи минатата сезона во Шампионат лигата на 17 натпревари постигна 12 гола.
„Ги сакам навивачите, неверојатни се и имам одличен однос со нив. Ова е голем клуб и минатата сезона направивме големи работи и сега сакам да го продолжиме тоа. Со навивачите зад нас, можеме да продолжиме со големите работи“, изјави Мирковиќ при потпишувањето на договорот.
Митровиќ кариерата ја почна во младите категории на Партизан, па на кратко беше во Телеоптик, а потоа играше за првиот тим на клубот од Хумска. Со голем успех го носеше црно-белиот дрес, но во 2013 година патот го одведе до Андерлехт.
Во Белгија играше многу добро, Њукасл го купи во 2015 година, но српскиот репрезентативец не се снајде најдобро. Кариерата ја оживеа оваа година во Фулам и сега сака да продолжи со одличните партии во клубот од Лондон.
