Дома Blog

Одреден 30-дневен притвор за Муамед Сејдини

Никола Ѓуровски
-
0
Одреден 30-дневен притвор за Муамед Сејдини

Поранешниот прв човек на македонскиот фудбал, Муамед Сејдини, вечерва е спроведен во 30-дневен притвор. Основниот кривичен суд го прифати барањето на Обвинителството, оценувајќи дека постои висок ризик од бегство, но и реална можност тој да влијае врз клучните сведоци во истрагата.

​Истрагата за Сејдини се фокусира на кривичното дело „Проневера во служба“. Според досегашните сознанија на истражителите, тој надвор од сите законски процедури и спротивно на одлуките на Управниот одбор на ФФМ, одобрил исплата на огромен аванс.


​Станува збор за сума од околу 660.000 евра, пари наменети за изградба на трибината на стадионот во Охрид. Средствата биле доделени преку развојната програма на УЕФА – „HatTrick VI“, но наместо соодветно да се менаџираат,
​биле префрлени на фирма изведувач без никаква банкарска гаранција.


​Исплатата била извршена и покрај тоа што Управниот одбор немал донесено таква одлука.
​
​Обвинителството беше децидно, Сејдини не смее да остане на слобода додека трае прибирањето на доказите. Поради неговите конекции и долгогодишното влијание во фудбалските структури, судот пресече дека притворот е неопходен за да се спречи евентуално попречување на правдата.

Штутгарт ќе го брани трофејот во Купот против големиот Баерн

Никола Ѓуровски
-
0
Штутгарт ќе го брани трофејот во Купот против големиот Баерн

Актуелниот бранител на трофејот во Купот на Германија, тимот на Штутгарт, по вторпат по ред ќе се бори за престижниот пехар, откако вечерва во неверојатен натпревар го совлада Фрајбург со 2-1 по продолженија.

​Штутгарт продолжува да сонува за одбрана на трофејот. Во еден од највозбудливите натпревари сезонава, Швабите покажаа неверојатен карактер и дури во последните секунди од второто продолжение успеаја да го скршат отпорот на мотивираниот Фрајбург.

​Натпреварот започна со претпазлива игра на двете страни, но Фрајбург беше тимот кој прв зададе удар. Со голот на Егештајн, гостите дојдоа во водство и успешно го контролираа резултатот во поголемиот дел од мечот.

​Сепак, притисокот на домашните вроди со плод во 70-тата минута. Најснаодлив во шеснаесетникот беше Дениз Ундав, кој прецизно биеше за 1-1, предизвикувајќи делириум на трибините и најавувајќи неизвесна завршница.

​Продолженијата беа во знакот на Штутгарт. Домаќините напаѓаа, создаваа шанси, но на голот на Фрајбург стоеше феноменалниот Флоријан Милер. Голманот на гостите нижеше интервенција по интервенција, фрустрирајќи ги напаѓачите на Штутгарт и се чинеше дека победникот ќе се решава по изведување пенали.

​Но, во 119-тата минута, кога сите веќе го очекуваа судискиот свиреж, на сцената стапи Тијаго Томаш. По една брза акција, тој на најефектен можен начин — со удар со петица, ја смести топката во мрежата на немоќниот Милер за конечни 2-1.

​Со оваа победа, Штутгарт си закажа дуел со најтрофејниот германски клуб, Баерн Минхен, во големото финале на Олимпискиот стадион во Берлин. Иако баварците ја имаат фаворитската улога, Штутгарт како актуелен освојувач на Купот веќе докажа дека не се плаши од никого кога се во прашање натпреварите на „се или ништо“.

Родри со загрижувачка реакција: Или ќе сопреме, или јас нема да доживеам 32 години!

Трајан Маневски
-
0
Родри со загрижувачка реакција: Или ќе сопреме, или јас нема да доживеам 32 години!

Шпанскиот фудбалски репрезентативец Родриго Ернандес познат како Родри предупреди за растечкиот проблем со преоптовареност на натпреварите во модерниот фудбал, велејќи дека е загрижен за својата иднина и здравје доколку продолжи со сегашениот пренатрупан распоред. Во изминативе неколку години, играчот од средниот ред на Манчестер Сити се мачеше со неколку повреди, од кои најсериозна беше скинатиот лигамент.

Родри кој е последниот шпански фудбалер кој може да се пофали дека ја освоил „Златната топка“, беше гостин на една емисија каде упати една загрижувачка изјава: „Или ќе сопреме со ова темпо, или јас нема да доживеам 32 години“, рече Родри кој има 29 години, кој додаде дека фудбалерите треба да знаат колку е лимитот.

Соочен со трендот на преоптоварување на календарот, Родри јасно стави до знаење дека играчите мора да бидат свесни за своите крајни можности. „Мора да знаете како да го дозирате напорот бидејќи телото има свои граници, а сите ние имаме рок на траење“, рече играчот на Манчестер Сити.

Тој, исто така, се присети како се чувствувал по еден од најголемите успеси во неговата кариера. „Кога го освоивме тоа Европско првенство, бев ужасно уморен бидејќи стигнав до финалето на сите натпреварувања пет или шест години по ред“, тврди Родри. „Повеќе од физички замор, бев ментално исцрпен и не знаев како да се справам со тоа во годините што следеа“, додаде тој како предупредувачки знак.

Родри најави дека сега е фокусиран да биде целосно подготвен и за настапот на Светското првенство кое за помалку од 50 дена ќе се игра во САД, Канада и Мексико, а секако селекцијата на Шпанија е еден од најголемите фаворити за највисок пласман.

 

Манчестер сити го сака Енцо Фернандес како замена за Бернардо Силва

Никола Ѓуровски
-
0
Манчестер сити го сака Енцо Фернандес како замена за Бернардо Силва

Манчестер сити разгледува изненадувачка опција за летниот преоден рок, при што во фокусот е играчот за врска на Челзи, Енцо Фернандес, пренесуваат англиските медиуми. Граѓаните го гледаат Аргентинецот како потенцијална замена за Бернардо Силва, кој се очекува да го напушти клубот по завршувањето на сезоната.

Покрај него, во комбинација за засилување на средниот ред се споменува и Елиот Андерсон од Нотингам форест.

Интерес за Енцо Фернандес покажува и Реал Мадрид, но засега без конкретен чекор во форма на официјална понуда. Аргентинскиот репрезентативец во изминатиот период привлече внимание и поради изјави поврзани со Кралскиот клуб, по што тогашниот менаџер на Челзи, Лијам Росениор, го изостави од составот на два последовни натпревари, што предизвика и незадоволство кај дел од навивачите.

Неговиот агент, Хавиер Пасторе, неодамна потврди дека се водени разговори со Челзи за продолжување и подобрување на договорот, иако актуелниот важи до 2032 година. Тој истакна дека доколку не се постигне договор за нови услови, по Светското првенство Фернандес би можел да разгледа и други понуди.

Фернандес досега има одиграно 163 натпревари за Челзи откако пристигна од Бенфика во јануари 2023 година, во трансфер што постави рекорд во британскиот фудбал. Во тековната сезона има 48 настапи во сите натпреварувања, со ефект од 12 гола и шест асистенции.

Реал Мадрид остана без Арда Ѓулер и без Милитао до крајот на сезоната

Никола Ѓуровски
-
0
Реал Мадрид остана без Арда Ѓулер и без Милитао до крајот на сезоната

Лошите вести за Реал Мадрид денеска никако да престанат. По Арда Ѓулер, јасно е дека и Едер Милитао нема да може да му помогне на тимот до крајот на сезоната.

Слично како Ѓулер, и бразилскиот стопер минал детални медицински прегледи, при што магнетната резонанца потврдила речиси идентична повреда, но на левата нога. Двајцата имаат истегнување на бутниот мускул, што наложува мирување од најмалку еден месец. Со тоа, и за него сезоната практично е завршена.


Добрата вест за стручниот штаб доаѓа од состојбата на Раул Асенсио, кој значително напредувал во закрепнувањето. Тој целосно се опоравил од сериозните стомачно-цревни проблеми поради кои дури беше и хоспитализиран. Се очекува дефанзивецот да биде дел од составот за следниот натпревар, иако најверојатно ќе започне од клупата за резерви.

Најнеобичниот тениски меч се одигра на „Бернабеу“ – играа Синер, Надал, Куртоа и Белингам, а судеше Флорентино Перес (Видео)

Никола Ѓуровски
-
0
Најнеобичниот тениски меч се одигра на „Бернабеу“ – играа Синер, Надал, Куртоа и Белингам, а судеше Флорентино Перес (Видео)

Светот на спортот навистина видел сè, но она што се случи во срцето на Мадрид изгледа како сцена од научна фантастика. Стадионот „Сантијаго Бернабеу“ уште еднаш потврди дека не е само фудбалски храм, туку и сцена за најневеројатни спортски спектакли.

Во овој необичен тениски шоу-дуел, од една страна на мрежата се појавија Јаник Синер и Џуд Белингам, додека од другата страна беа Рафаел Надал и Тибо Куртоа. Комбинација која сама по себе звучи неверојатно, а уште поневеројатно изгледала на теренот.

Сепак, најзапаметен момент не беше ниту еден победнички поен, ниту спектакуларен смеч, туку погледот кон судиската столица. Таму седеше човекот со најголем авторитет во клубот, Флорентино Перес, кој, според сценариото, внимателно го следел секој поен и „диригирал“ со атмосферата.

Во еден момент на настанот се приклучила и Ига Швјонтек, а дел од спектаклот биле и шпанските тениски легенди Гарбине Мугуруса и Фелисијано Лопес, кои денес се дел од организацијата на Мастерс турнирот во Мадрид.

Обвинителството побара притвор за Муамед Сејдини

Никола Ѓуровски
-
0
Обвинителството побара притвор за Муамед Сејдини

Основното јавно обвинителство Скопје донесе Наредба за спроведување истражна постапка против поранешен претседател на Фудбалската федерација на Македонија, поради основано сомнение дека сторил кривично дело – Проневера во службата од член 354 став 3 во врска со став 1 од Кривичниот законик.

Осомничениот, во периодот од ноември – декември 2024 година, како службено лице, претседател на ФФМ, прибавил противправна имотна корист од околу 660 илјади евра за правно лице од Скопје, односно износ што надминува значителна имотна корист.

Сомненијата укажуваат дека делото е извршено така што ФФМ, како членка на УЕФА, во текот на 2024 година добила строго наменски парични средства за ревитализација на спортски терени и инфраскруктура.

Со финансиската поддршка од УЕФА во рамките на програмата „HatTrick VI”, осомничениот започнал постапка за спроведување на проектот – изградба на трибина на Стадион “Билјанини Извори” во Охрид и дал предлог за отпочнување постапка за избор на компанија за реализација на проектот. По одобрување од Управниот одбор, осомничениот поднел барање до три фирми за понуди за изградба на трибината на стадионот. Била избрана најповолна понуда за изградба во вкупен износ од околу 3,3 милиони евра без ДДВ.

Иако изведувачот тоа не го побарал, ниту во барањата за доставување понуди било наведено како можност, осомничениот, спротивно на одлуката на Управниот одбор, вметнал дополнителен услов во склучениот договор со избраната фирма, со кој предвидел авансна уплата во износ од 20% од вкупната вредност на договорот пред започнување на градежните работи и без какво било претходно постапување од изведувачот. Притоа не предвидел никакво правно обезбедување за уплатените средства на име аванс.

Го потпишал таквиот договор и на 17.12.2024 година, паричните средства во износ од околу 660 илјади евра кои му биле доверени во службата, со негов налог до службите за исплата авансно ги префрлил на правното лице.

Бидејќи постојат околности што укажуваат на опасност од бегство и постои оправдан страв дека осомничениот ќе ја попречува истрагата со влијание врз сведоците, јавниот обвинител до судијата на претходна постапка достави предлог за определување мерка притвор.

Леванте ја победи Севиља и ги задржа шансите за опстанок во Ла Лига

Никола Ѓуровски
-
0
Леванте ја победи Севиља и ги задржа шансите за опстанок во Ла Лига

Леванте е „жив“ и сѐ уште може да обезбеди опстанок во Ла Лига, откако на домашен терен ја совлада Севиља со 2-0. Поранешниот тим на Енис Барди се наоѓа на 19-тата позиција со 32 бода, но само два помалку од Севиља која е прва над линијата со 34 бода.

Иван Ромеро беше херој на домашниот тим. Тој го отвори резултатот во 38-та минута, а на крајот и го потврди триумфот во 94-тата минута, на асистенција од Ариага.

До крајот на првенството во Шпанија има уште шест кола и Леванте има полно право да се надева дека може да остане во елитата.

Салах го поврзуваат со Јувентус, а оттаму велат: „Тоа не е точно!“

Павле Симовски
-
0
Салах го поврзуваат со Јувентус, а оттаму велат: „Тоа не е точно!“

Напаѓачот на Ливерпул, Мохамед Салах, се подготвува да го напушти „Енфилд“ ова лето, а на Египќанецот му остануваат уште пет натпревари пред конечно да донесе одлука за својата иднина во следната сезона. Во услови на засилени шпекулации, спортскиот директор на Јувентус, Марко Отолини, категорично ги демантираше тврдењата дека италијанскиот гигант стапил во контакт со фудбалерот.

„Тоа што се зборува за преговори за Мохамед Салах не е точно“, изјави Отолини. „Во моментов нема апсолутно ништо по ова прашање“, додаде тој.

Иако 33-годишниот Салах ќе го напушти клубот од Ливерпул на крајот од сезоната, враќањето во Серија А останува една од можните опции за него. Тој веќе има искуство во италијанското првенство со Рома, каде што играше под водство на актуелниот тренер на Јуве, Лучано Спалети, а како потенцијални дестинации се споменуваат и Наполи и Милан. Кога за време на мартовската репрезентативна пауза Салах потврди дека заминува една година пред истекот на договорот, неговиот агент нагласи дека сè уште нема конечна одлука за следниот клуб.

Интерес за Египќанецот има и од клубови од Саудиска Арабија, како и од МЛС доколку реши да ја продолжи кариерата преку океанот. Додека трансфер во друг клуб од Премиер лигата изгледа малку веројатен, екипи од Шпанија и Франција исто така би можеле да се вклучат во трката за неговиот потпис.

Се огласи Јамал: Боли што нема да можам да помогнам, но со цело срце ќе бидам со соиграчите

Никола Ѓуровски
-
0
Се огласи Јамал: Боли што нема да можам да помогнам, но со цело срце ќе бидам со соиграчите

Фудбалерот на Барселона, Ламин Јамал, се огласи преку својот инстаграм-профил испраќајќи емотивна порака по повредата и изразувајќи верба дека ќе се врати уште посилен.

Младиот ас синоќа го реши натпреварот против Селта во 32-рото коло од Ла Лига со погодок од пенал за победа од 1-0, но токму при изведувањето на ударот се здоби со повреда на бутниот мускул, поради што сезоната за него во дресот на Барселона е завршена.

И покрај тоа, се очекува Јамал да биде подготвен за настап со репрезентацијата на Шпанија на претстојниот Мундијал, иако неизвесноста околу неговото целосно закрепнување сè уште буди загриженост.

„Оваа повреда ме тргна од теренот токму во моментот кога најмногу сакав да бидам таму и боли повеќе отколку што можам да опишам. Ме боли што не можам да се борам со соиграчите, што не можам да помогнам кога сум најпотребен. Но, верувам во нив и знам дека ќе дадат максимум на секој натпревар“, напиша Јамал.

Тој им се заблагодари и на навивачите за поддршката, нагласувајќи дека ќе биде покрај тимот и покрај тоа што нема да може да игра.

„Ќе бидам тука, дури и ако тоа значи од клупата – ќе ги поддржувам, ќе навивам и ќе ги туркам напред како секој друг играч. Ова не е крај, туку само пауза. Ќе се вратам посилен и помотивиран од кога било, а следната сезона ќе биде уште подобра. Ви благодарам за пораките и напред Барса“, додаде тој.

Барселона, шест кола пред крајот на сезоната во Ла Лига, има предност од девет бода во однос на Реал Мадрид и е на добар пат да ја одбрани титулата, дури и без својот млад талент во завршницата од првенството.

 
 
 
 
 
View this post on Instagram
 
 
 
 
 
 
 
 
 
 
 

A post shared by @lamineyamal

123...10.753Страна 1 од 10.753