Во третата четвртфинална пресметка од плејофот на Евролигата, Панатинаикос направи важен чекор кон совладувајќи го Анадолу Ефес на гостински терен во Истанбул со 81-77 и поведувајќи со 2-1 во серијата.
Натпреварот започна израмнето, со екипи кои постојано се менуваа во водството. Сепак, среде втората четвртина, грчкиот состав, предводен од Слукас и Митоглу, направи серија од 12-3, стекнувајќи предност од 41-34. Со тоа, Панатинаикос го контролираше ритамот на натпреварот и на полувремето замина со водство од 45-39.
Во третиот период, гостите ја зголемија предноста која достигна и до 13 поени, но Ефес не се предаде. Турскиот тим, поттикнат од домашната публика, направи серија од 11-0 и намали на 63-61, а со поените на Отуру израмни на 68-68.
Следуваше вистинска драма во последните минути. На две минути до крај резултатот беше изедначен, 70-70. Единствено Кендрик Нан успеваше да одговори на домашниот притисок. Габриел донесе минимална предност за Панатинаикос (72-74), а Хуанчо Ернангомез потоа блесна со клучна блокада над Ларкин и избори фаул во контранапад. Иако се прегледуваше снимката за потенцијален неспортски фаул, судиите решија дека се работи за обичен прекршок.
Слукас влезе и реализираше двете слободни фрлања за 72-76. Ларкин намали, но Митоглу со својата четврта тројка донесе 74-79. По тајм-аутот, Томпсон погоди тројка за 77-79, но Нан реализираше две слободни фрлања и ја запечати победата.
Најефикасен кај Анадолу Ефес беше Шејн Ларкин со 17 поени и четири асистенции, додека Отуру додаде 14 поени и пет скокови, а Брајант 13 поени и седум скокови.
За Панатинаикос, Кендрик Нан беше неверојатен со 25 поени, пест скока и четири асистенции, Митоглу додаде 18 поени и шест скокови, а Слукас заврши со 10 поени.
Барселона го победи Монако со 100-89 и намали во серијата на 2-1. Вили Ернангомез со 19 поени беше најефикасен во каталонскиот тим, а Мајк Џејмс постигна 20 за Монако.
