Панатинаикос денеска повторно одигра многу драматичен меч со хепиенд за грчкиот тим, кој го победи Жалгирис со 86:85 на гостински терен.
Тајрис Рајс утна две слободни фрлања на една секунда до крајот на мечот, а сепак, за негова среќа, Панатинаикос ги освои бодовите.
Џок Лендејл се обиде со тројка да ѝ донесе победа на домашната екипа, но не успеа. Во минатото коло Панатинаикос по две продолженија загуби од АЛБА на свој терен со 105:106.
Вечерва на Грците им се насмевна среќата, а до победа ги предводеше Ник Калатес со 19 поени. Томас постигна 12 поени, а Папапетру уфрли поен помалку за гостите.
Perfect clock management by @paobcgr ⏰@jimmerfredette ➡️ @Nick_Calathes15
Buzzer BEAT!#7DAYSMagicMoment pic.twitter.com/x477nvgO6w
— Turkish Airlines EuroLeague (@EuroLeague) November 19, 2019
Кај Жалгирис, Зак Ледај беше прв стрелец со 15 поени.
