Пред точно 10 години, Горан Пандев во дресот на Интер ги доживеа најславните моменти во својата кариера. Популарниот Гоче со Нераѕурите стана европски првак откако во мајското финале со 2:0 го победи Баерн Минхен, а неколку месеци подоцна стана и светски клупски првак, а Пандев во тоа финале на ФИФА натпреварувањето, даде и гол.
Сега, Пандев е во сосема поинаква ситуација. Го носи дресот на Џенова, а вечерва на свој терен за противник го има токму Интер. Мечот е од многу поголемо значење за Џенова. Интер нема шанси за титулата, а е сигурен за место во ЛШ за следната сезона, додека Џенова со три освоени бода може и дефинитивно да се спаси до испаѓање.
По ремито на Интер против Фиорентина, тренерот на Интер, Антонио Конте рече дека него му е тотално сеедно дали екипата ќе заврши на второто или третото место на крајот од сезоната, што значи дека гостите се опуштени.
ПАНДЕВ Е НАЈЗАСЛУЖЕН ЗА ПОСЛЕДНИТЕ ДВЕ ПОБЕДИ НА ЏЕНОВА ПРОТИВ ИНТЕР
Статистиката вели дека Интер убедливо победувал на последните три меча против Џенова (4:0, 0:4, 5:0). Сепак, ако се погледнат резултатите, Џенова има две победи во последните три средби на својот стадион „Луиџи Ферарис“, а токму Пандев е херој во тие две победи.
Во февруари 2018 година, Пандев даде гол, а Ранкија си постигна автогол за победа на Џенова од 2:0. Еднао година претходно Гоче влезе како резерва и погоди во триумфот од 1:0, што само потврдува дека е творец на последните две победи на Џенова, но и единствен играч на овој клуб што има дадено гол против Интер во последниве четири години.
Во Sport Life одлична е понудата за Пандев и денеска да даде гол. Коефициентот за погодок на капитенот на македонската репрезентација е 3.50.
ГОЛ И ПОБЕДА КАКО ПОДАРОК ЗА 37-ИОТ РОДЕНДЕН
Статистиката покажува дека Пандев има одиграно вкупно 20 меча во Серија А против Интер и четири пати се радувал на гол. Гоче за два дена ќе полни 37 години и победа со гол против Интер би било совршен подарок за роденденот. Иако веќе е ветеран, струмичанецот сезонава игра одлично и има девет гола и две асистенции, што го прави најефикасен во тимот на Џенова.
Интересно е што покрај Пандев, во нападот на Џенова за денешниот дуел ќе биде и Андреа Пинамонти. И Пинамонти е некогашен играч на Интер, но секако ја нема доживеано славата како Горан. Овој тандем на Џенова од спротивната страна ќе го имаат застрашувачкото дуо на Интер, Ромелу Лукаку и Лаутаро Мартинез.
