Силекс ја оствари шестата победа во последните седум дуели против Академија Пандев во кои кратовци се домаќини. Денес славеа со убедливи 3-1, остварувајќи ги осмиот триумф во првенството.
За бодовите да останат во Кратово се погрижија Серафимовски во 41-та минута, како и Додев и Драшковиќ во второто полувреме со своите погодоци. Миловановиќ со почесниот гол за 3-1 ја прекина лошата традиција на пандевци на гостувањата кај Силекс и за првпат во седум меча гостите реализираа гол.
Силекс со овој триумф се израмни на табелата со 27 бода токму со Академија Пандев, исто толку има и второпласираната Шкендија.
