Фудбалерите на Партизан не се пласираа во главната фаза на ниту едно европско натпреварување, сепак на нивниот стадион на улицата „Хумска“ во Белград есенва и зимоска ќе се игра европски фудбал.
Израелскиот шампион Макаби од Тел Авив своите натпревари како домаќин во Лигата на Европа ќе ги игра на стадионот „ЈНА“. Тренер на „Гордоста на Израел“ е поранешен играч на Партизан, Жарко Лазетиќ.
Макаби во Белград ќе ги пречека Порто, Реал Сосиедад, Митјиланд и летонски РФС. Поради безбедносните протоколи иницирани од израелско-палестинскиот конфликт, на навивачите речиси сигурно нема да им биде дозволено да присуствуваат на тие натпревари.
Инаку и кошаркарскиот тим на Макаби како домаќин во Евролигата игра во Белград, во салата „Александар Николиќ“.
