Фудбалскиот клуб Партизан денеска прославува 72 години од најубедливата победа во историјата вечните белградски дербија, и преку социјалните мрежи ги потсети соседите на тој 6-ти декември 1953 година со фотографија од семафорот.
Тој меч бил 13-ти меѓусебен дуел на белградските ривали, и се играл на стадионот „ЈНА“ кој е дом на Партизан, но тогаш и Ѕвезда била домаќин на тој стадион, бидејќи уште се градела „Маракана“, денешен „Рајко Митиќ“.
„На денешен ден, пред точно 72 години, Партизан ја победи Црвена ѕвезда со резултат од 1:7! По тој натпревар, нашиот клуб го доби прекарот Парен ваљак“, наведуваат Црно-белите.
