Партизан дојде и до четвртата победа по ред во Евролигата, сите во Белград, а вечерва во „Арената“ падна и европскиот првак Панатинаикос со 91-73. Ова издание на тимот е тоа што го сакаше Жељко Обрадовиќ кога летоска состави целосно нова екипа.
Црно-белите имаа висока реализација на шутевите за три поени, победија доста убедливо против Зелените детелинки и по 14 кола имаат скор 6-8, додека ПАО падна на 8-6.
Вечерва во Белград се играше уште еден меч, во кој Барселона со 88-86 го победи Макаби и за Каталонците заврши серијата од четири порази по ред.
