Пелистер и Македонија Ѓорче Петров одиграа нерешено 1:1 во меч на стадионот „Петар Милошевски“ во Битола. Може да се каже дека овој резултат не одговара на двата тима, затоа што останаа во зоната за испаѓање.
И Пелистер и Македонија ЃП сега имаат по 15 бодови и се на 10 и деветото место на табелата.
Иако Пелистер ја имаше улогата на фаворит пред мечот, гостите беа тие кои први се израдуваа на погодок. Се играше 17 минута кога искусниот дефанзивец Хртистијан Пецов ги доведе гостите од Ѓорче Петров во водство со 1:0.
Зелено-белите во второто полувреме тргнаа многу поофанзивно и тоа резултираше со погодок во 63 минута. Лука Булатовиќ најдобро се снајде во противничкиот шеснаесетник и ја затресе мрежата на гостите, за радост на домашните фанови.
До крајот на мечот, двата тима играа без калкулации и се обидуваа да постигнат втор погодок што ќе значеше победа, но мрежите мируваа, па на крајот освоија по еден бод и не направија никаква промена на табелата во Прва лига.
