Уште еден доказ дека Пеп Гвардиола е меѓу најдобрите менаџери на денешницата, ако не и најдобар. Предводникот на Манчестер сити има шанса да додаде нов трофеј во колекцијата, откако неговата екипа денес се избори за финале во ФА Купот, елиминирајќи го Брајтон со 1-0.
На тој начин, Гвардиола оствари ретко виден учинок – Се пласира во финале во сите куп-натпреварувања во кои учествува со екипите кои ги предводел во кариерата.
Со Барселона ја комплетираше фамозната „шестка“ во 2009 година, освојуваќи ги Кралскиот Куп, Лигата на шампионите, европскиот и домашниот Суперкуп, како и Светското клупско првенство, покрај тоа што ја освои и титулата во Шпанија. Во авантурата во Баерн Минхен, Гвардиола учествуваше во финале во германскиот Куп, па и тој трофеј му стои во колекцијата.
Со Сити веќе освои два пехари во Лига Купот на Англија, а во неговата трета сезона како менаџер на „граѓаните“ за првпат се пласираше во финалето од ФА Купот.
Едноставно, неверојатен учинок на кој може да позавидат и најголемите тренерски имиња.
Pep Guardiola has now reached the final of every cup competition he has ever entered as a manager:
✅ Copa del Rey
✅ Champions League
✅ Club World Cup
✅ DFB-Pokal
✅ EFL Cup
✅ #FACup pic.twitter.com/nBGoVtZ6yA— Coral (@Coral) April 6, 2019
