3739 Сампдорија – Асколи (18.00 часот)
Ова е прилика за Дејан Станковиќ да ја извојува првата победа како тренер на клубот од Џенова. Ако го елиминира просечниот второлигаш Асколи, Сампдорија во осминафиналето ќе се сретне со Фиорентина. Сампдорија не знае за победа уште од август, кога во Купот беше подобра од Реџина. Во Серија А се најслаби, додека Асколи е 11-ти во Серија Б со по три победи, порази и ремија во деветте кола. Овие два клуба десет години немаат играно еден против друг.
Предлог тип: 1 (1.70)
6021 Арсенал – ПСВ (19.00 часот)
Погребот на кралицата Елизабета и немањето доволно полиција во Лондон беше причина што Арсенал и ПСВ не го играа мечот од Лигата на Европа во закажаниот термин, па затоа сега, кога другите клубови паузираат, овие два тима ќе треба да играат. Арсенал е перфектен засега со 9 бода во три кола, а Холанѓаните имаат две победи и една нерешена, па јасно е дека станува збор за дерби-меч и битка за првото место. Топчиите се во триумфална низа од седум победи по ред во сите натпреварувања, а ПСВ има четири победи едноподруго. Традицијата на меѓусебните дуели најавува 0-2 гола.
Предлог тип: 1+I и 2+II (2.09)
1141 Фулам – Астон вила (20.30 часот)
Фулам во последните три кола освои само еден, а Астон вила скромни два бода. За двата тима ова е шанса за излез од кризата. Фулам е повеќе од двојно поефикасен, но има и послаба одбрана. Фулам има серија од седум меча по ред со 3+ гола и седум меча во низа на кои и дава и прима гол. Кај Вила е обратно, последните пет средби им беа со 0-2 гола. Во сезоната 2020/2021, Астон вила двапати го победуваше Фулам со убедливи 3-1 и 3-0. Во 2011 последен пат се случи да нема победник на нивните дуели во Лондон.
Предлог тип: 1Х & 2-4 (2.40)
1434 Барселона – Вилјареал (21.00 часот)
Барса има шанса со победа да си ги залечи раните, тренерот Чави најави неколку измени во почетниот состав во однос на Ел Класико, но ако не ја победат незгодната Жолта подморница, тоа може да биде и почеток на крајот за Чави како тренер на Каталонците. По киксот со Интер и поразот од Реал, Барселона е под притисок, нема право на нова грешка. Вилјареал во минатата сезона победи со 2-0 на „Камп ноу“. Вилјареал ја има најцврстата одбрана во Лигата, прими само три гола во девет меча, па ова е вистински тест за можностите на Барселона.
Предлог тип: ГГ (1.64)
1142 Лестер – Лидс (21.15 часот)
Лисиците од Лестер се последнопласирани во Премиер лигата, имаат само 5 бода по десет одиграни мечеви, а клучен проблем им е големиот број примени голови (24). И Лидс е во криза, во последните шест кола освои само два бода. Лестер вечерва ќе биде без Медисон, кој е суспендиран. Во минатата сезона двата меѓусебни меча беа со 0-2 гола. За Лидс и бод би бил успех, но веруваме дека домашните ќе најдат начин да победат.
Предлог тип: 1 (2.30)
