Легендарната Венус Вилијамс има 43 години, но уште не се предава и е дел од светската тениска сцена, па дури ќе ја видиме и на гренслем-турнирот во Лондон, популарниот Вимблдон. Организаторот на овогодишното издание на Вимблдон реши да ѝ даде специјална покана, популарно наречена вајл-карта на петкратната освојувачка на турнирот кој го носи прекарот Неофицијално светско тениско првенство.
Вилијамс минатата недела за првпат по пауза од пет месеци се врати на тенискиот терен, и тоа на турнирот во Хетрогенбош, каде што изгуби во првото коло. Потоа Венус замина и на турнир во Бирмингам, каде што во првото коло ја победи Камила Џорџи од Италија (7:6, 4:6, 7:6). За Венус ова беше прва победа над тенисерка која е во Топ 50 на ВТА уште од 2019 година. Вилијамс моментално е на 697-мата позиција на ВТА-листата, а утрешен противник ќе ѝ биде Остапенко.
Организаторот на Вимблдон сезонава додели вкупно 13 вајлд-карти, а меѓу оние со специјална покана се и Елина Свитолина од Украина и Давид Гофин од Белгија.
Вимблдон ќе започне на 3 јули.
Venus Williams has been given a wildcard into Wimbledon.
A 5 time Singles Champion who’s dedicated her entire life towards changing this sport for the better.
She deserves a wildcard for as many years as she’d like to play. ❤️ pic.twitter.com/NI8XdPkOq6
— The Tennis Letter (@TheTennisLetter) June 21, 2023