Астон Вила го порази Њукасл со 3-0, и потврди дека во моментов е еден од трите најсилни тимови во Премиер лигата. Откако Унаи Емери стана тренер на Вила, повеќе бодови од овој тим освоија само Арсенал и Манчестер сити.
Астон Вила има пет победи по ред во Премиер лигата, нивна најдолга победничка серија во последните 25 години.
Фудбалер кој е во животна форма е Оли Воткинс, со гол на 11 од последните 12 меча, а денеска даде два, и селекторот на Англија, Герет Саутгејт, ќе мора да го повика за следните предизвици, еден од нив е јунскиот меч против Македонија. После Мундијалот во Катар, ако се земат во предвид голови и асистенции, никој нема толку добар биланс како Воткинс, дури ни Ерлинг Халанд.
