Фудбалската репрезентација на Србија во мартовските квалификации за СП 2022 ќе игра со реновиран состав, а откако новиот селектор Драган Стојковиќ-Пикси го објави списокот на кандидати, забележливо е отсуството на ѕвезди кои играат во Серија А и Премиер лигата.
Пикси не го чепкаше нападот, ќе се потпира на Митровиќ, Јовиќ и Влаховиќ. Но, во одбраната и средниот ред ги изостави капитенот Александар Коларов, Максимовиќ, Миливојевиќ, Љајиќ, како и Немања Матиќ, кој лани објави повлекување од репрезентацијата.
Од друга страна, повикан е искусниот 28-годишен дефанзивец Марко Петковиќ, кој игра во српската Суперлига за клубот ТСЦ. Петковиќ од 2016 не бил во националниот тим и има само два настапи. Повратник е Андрија Живковиќ, кој игра добро за ПАОК, а прв повик доби и Урош Рачиќ од Валенсија.
Србите во мартовскиот циклус имаат добар распоред, играат дома со Република Ирска и Португалија, а гостуваат кај Азербејџан. Пикси рече дека смета и на Настасиќ и Гаќиновиќ, но тие нема да играат поради повреди.
