Албанија и Србија одиграа нерешено, 0-0, во квалификациски меч за пласман на Светското првенство 2026. Дуелот во Тирана не изобилуваше со фудбалска убавина, а домашните беа поблиску до победата, со оглед на тоа дека Манај не реализира пенал.
„Дојдовме тука со цел да победиме, и формацијата што ја изведовме покажува дека сакавме гол. Момците покажаа професионален однос, не подлегнаа на атмосферата – фантастична атмосфера за игра. Албанија е многу квалитетен и добар тим, но според прикажаната игра и сè што се случи, можеби нерешениот резултат е најреален. Секако, нам ни е посладок овој бод отколку ним. Кога имате добро движење на топката, противникот трча повеќе, а со тоа и побрзо се заморува. Токму во соблекувалната по првото полувреме инсистирав на тоа – топката мора да се движи побрзо и да се бара простор. Мислам дека го контролиравме мечот, не подлегнавме на атмосферата, бевме смирени, знаевме како да играме и што да направиме. За да се победи натпревар, мора да се даде гол. Овој натпревар покажа дека не можете да создадете десет, петнаесет шанси – тоа е невозможно. Ако ви се укаже една, две или три, мора да ги искористите во своја корист. Она што го сакавме, тоа и го направивме – недостасуваше само голот за чувството да биде целосно. Без разлика, овој нерешен резултат повеќе ни одговара нам отколку на Албанија.“ – вели селекторот на Србија, Драган Стојковиќ – Пикси.
