Голманот на Барселона, Марк-Андре тер Штеген, е блиску до заминување од клубот речиси 12 години откако се приклучи на каталонскиот гигант. Германскиот голман ќе се пресели на позајмица до крајот на сезоната.
Оваа одлука за Тер Штеген да си оди од Барселона е во обид и да се спаси неговата репрезентативна кариера во германскиот дрес. Селекторот Јулијан Нагелсман и спортскиот директор Руди Волер постојано јасно ставаат до знаење дека оние кои ќе играат за националниот тим на Светското првенство ова лето, мора да бидат стандардни и во своите клубови.
Најавите се дека Тер Штеген нема да оди многу далеку од „Камп ноу“, затоа што во финална фаза е договорот за негова позајмица во тимот на Жирона. Тоа е клубот кој доаѓа од градот кој е само 100 километри одалечен од Барселона и е дел од Каталонија.
🚨🚨 El acuerdo a tres bandas entre el GIRONA-BARÇA-TER STEGEN se encuentra en su punto final
👉 Últimos detalles para cerrar la cesión del portero alemán, que jugará en Montilivi hasta junio
💰 Ter Stegen perdonará y @GironaFC pagará lo que pueda asumir
🎙️ Informa @Nilsola10 pic.twitter.com/KzB6CpvfNb
— Carrusel Deportivo (@carrusel) January 16, 2026
Актуелниот договор на Тер Штеген со Барселона е до јуни 2028 година.
