Речиси по една година пауза, Рафаел Надал се врати на тенискиот терен и победи во првиот меч во сингл конкуренција. На турнирот во Бризбејн во Австралија, Надал со 7:5, 6:1 го победи Доминик Тим во меч кој траеше точно еден и пол час.
За Надал ова беше враќање точно по 349 дена затоа што немаше играно од 18 јануари 2023 година, кога загуби од Мекензи Мекдоланд лани на Отвореното првенство на Австралија. Надал денеска против Тим покажа дека е добро подготвен. Во првиот сет беше неизвесно до 5:5, а потоа Надал го доби својот сервис, па потоа го направи првиот и клучен брејк и го доби првиот сет со 7:5. Во вториот сет, Тим едноставно немаше шанси против Надал.
Искусниот 37-годишен Шпанец поведе со 3:0, Тим успеа да освои еден гем на свој сервис за да намали на 1:3, но потоа повторно Надал со три гема во низа стигна до убелидви 6:1 и победа од 2:0 во сетови.
За Надал ова беше 1069 победа во кариерата во сингл дуелите, оставајќи го зад себе легендарниот Иван Лендл. Пред Надал се само Џими Конорс, Роџер федерер и Новак Ѓоковиќ.
Most ATP singles match wins:
1274 – Connors
1251 – Federer
1088 – Djokovic
1069 – Nadal ✨
1068 – Lendl @RafaelNadal moves above Ivan Lendl after defeating Thiem! pic.twitter.com/lqhShBDv1y— Tennis TV (@TennisTV) January 2, 2024
