Фудбалскиот клуб Комо доживеа голема загуба по смртта на еден од своите сопственици, Михаел Бамбанг Хартоно, кој почина на 86-годишна возраст во Сингапур. Заедно со својот брат Роберт Буди Хартоно, тој беше главниот акционер во клубот и еден од столбовите на проектот што го врати Комо во европската фудбалска мапа во последните години.
Михаел Бамбанг Хартоно, познат како дел од бизнис империјата „Џарум“, значително придонесе за финансирањето на клубот, особено по преземањето во 2019 година, кога Комо започна сериозен подем и ново поглавје во својата историја.
„Комо е длабоко погоден од загубата на Михаел Бамбанг Хартоно. Изразуваме искрено сочувство до семејството Хартоно и до целата група Џарум. Под нивно водство, клубот напиша нова страница во својата историја, која ќе ја памети со благодарност и почит“, соопштија од Комо.
И покрај трагедијата, раководството на клубот останува стабилно. Главната улога продолжува да ја носи неговиот брат, Роберт Буди Хартоно, кој ќе го води Комо и понатаму на патот на развој и успех.
