Почнаа проблемите што се сериозни за репрезентациите во пресрет на мартовските квалификациски мечеви за настап на Мундијалот во Катар, а Јирген Клоп јавно објави дека нема да ги пушти играчите ако има задолжителен карантин.
„Мислам дека и челниците на ФИФА јасно кажаа дека имаме право да не ги пуштиме играчите да настапат во квалификациите ако потоа има карантин. Таквата варијанта е неприфатлива и невозможна за клубовите.
Јасна ни е потребата на фудбалските федерации да ги имаат сите фудбалери на располагање за мечевите на репрезентациите, но сите не можат да бидат среќни и задоволни во вакви ситуации. Клубовите ги плаќаат играчите и за нив тие се приоритет“, изјави Клоп.
Liverpool's Jürgen Klopp: 'I understand the needs of the different FAs but this is a time where we cannot make everybody happy and we have to admit the players are paid by the clubs, so it means we have to be first priority' pic.twitter.com/kK6MQR70ex
— Guardian sport (@guardian_sport) March 3, 2021
Со големи проблеми може да се соочи и македонската репрезентација за мартовските натпревари против Романија на 25, потоа и со Лихтенштајн на 28 и со Германија на 31 март.
