Фудбалската репрезентација на Иран, заедно со остатокот од делегацијата, пристигна во Тихуана во Мексико да ги направи последните подготовки пред стартот на Светското првенство. Иранските играчи пристигнаа со авион од Турција, каде што тренираа во последните неколку недели, а во Мексико беа пречекани од армијата и полицијата.
Пристигнувањето на Иранците беше проследено со строги безбедносни мерки поради немирите и тековната војна меѓу Иран и САД на Блискиот Исток. Околу педесет ирански навивачи ги пречекаа своите миленици во Тихуана, а воен кордон ги придружуваше репрезентативните автобуси од аеродромот до хотелот каде што ќе бидат сместени.
Iran’s national team arrived in Mexico on Sunday ahead of the 2026 FIFA World Cup, coming as the US has reportedly not given visas to some members of the squad’s accompanying delegation amid ongoing tensions between Washington and Tehran pic.twitter.com/eX60AuoKhc
— The New Region (@thenewregion) June 7, 2026
На планетарниот собир Иран е во групата Г, а првите два натпревари од СП ќе ги игра во предградијата на Лос Анџелес. Нивните противници ќе бидат Нов Зеланд на 15 јуни и Белгија на 21 јуни. Последниот натпревар од групната фаза Иран ќе го игра во Сиетл против Египет на 26 јуни.
