Репрезентацијата на Јордан на неверојатен начин се пласира во четвртфиналето од Азискиот куп откако со пресврт го победи Ирак со 3:2. Хичкокова беше завршницата на дуелот на којшто Ирак водеше со 2:1 до 90+5 минута, а потоа се случи чудо.
Јордан најпрво израмни на 2:2, а потоа во 90+7 минута даде и трет гол за победа од 3:2. Целиот меч имаше чуден тек. Јордан поведе со 1:0 со погодок во судиското надополнување во првото полувреме, а Ирак во вториот дел, со головите постигнати во 68-мата и 76-тата минута стигна до предност од 2:1.
При постигнување на вториот погодок, стрелецот Хусеин седна на тревата и симулираше како нешто да јаде од земја. Поради овој начин на прослава, судијата му даде жолт картон на Хусеин, што му беше втор и доби црвен картон.
https://twitter.com/i/status/1751957014035468304
Откако Ирак остана со играч помалку, селекцијата на Јордан тргна во офанзива и на неверојатен начин успеа да постигне два гола, и тоа во 90+5 и 90+7 минута за место меѓу најдобрите осум репрезентации во Азија.
https://twitter.com/i/status/1751986754716946455
